Bwyd Clwyd
|
Prif nod Bwyd Clwyd yw codi proffil cynhyrchion bwyd a
gynhyrchir yn lleol. Ein nod yw hyrwyddo cynhyrchion fel rhai o'r radd flaenaf
â delwedd amgylcheddol cryf.
Un o amcanion prosiect Bwyd Clwyd yw cefnogi
marchnadoedd cynhyrchwyr lleol, fel Marchnad Ffermwyr Glyndwr, Marchnad
Ffermwyr Celyn, Marchnad Cynhyrchwyr Dinbych a marchnadoedd Sefydliad y Merched
lleol. Mae'r prosiect yn cefnogi hybu cynhyrchion arbenigol, penodol fel Eirin
Dinbych ac Eirin Mair Sir y Fflint. Ar hyn o bryd rydym yn cynorthwyo Marchnad
Ffermwyr Celyn i sefydlu cynllun dosbarthu nwyddau mewn bocsys. Rydym hefyd yn
edrych ar ddatblygu cegin cymunedol, lle gall y rhai newydd i'r sector bwyd
brofi a threialu cynhyrchion bwyd newydd. Bydd Cyfeiriadur Bwyd Clwyd hefyd yn
cynorthwyo i gryfhau'r cysylltiadau rhwng y sector lletygarwch lleol a'r sector
bwyd. Rydym hefyd yn anelu at godi proffil yr ardal ymhlith ymwelwyr fel ardal
bwydydd o'r ansawdd uchaf. |
 |
|
|
Profiad Ffermydd Clwyd
Bwriad Profiad Ffermydd Clwyd yw creu cysyniad hollol newydd
ac arloesol mewn gwyliau fferm. Ein nod yw creu rhwydwaith o lety ffermydd a
gweithgareddau ar y fferm fel marchogaeth, llwybrau cerdded yn y coed, fferm
agored, beicio/gyrru cerbydau oddi ar y ffordd ac ati. Bydd y rhwydwaith yn
cael ei farchnata ar y cyd, gyda'r nod o ddarparu golwg newydd ar y diwydiant
amaethyddiaeth. Rydym yn cynnal cynllun grant bychan i gynorthwyo ffermydd sy'n
sefydlu mentrau newydd yn y sector twristiaeth amaeth. Bydd y rhwydwaith yn
cael ei ddefnyddio fel cyfleuster addysgol hefyd i hybu gwell dealltwriaeth o
ddulliau cynhyrchu bwyd a'r angen am reolaeth amaethyddol sensitif. Ein nod yw
cynorthwyo busnesau fferm wrth arallgyfeirio a chreu atyniadau twristiaeth er
budd cymunedau gwledig a thwf economaidd.
Eco-Fferm Clwyd
Mae Eco-Fferm Clwyd yn edrych ar brosiectau peilot dyfeisgar
ond cynaliadwy sy'n ceisio gwella cynaliadwyedd amgylcheddol diwydiannau lleol
wedi'u seilio ar y tir. Mae'r prosiect yn hybu defnyddio adnoddau naturiol mewn
modd cynaliadwy a defnyddio egni adnewyddol i ymelwa ar sectorau busnes newydd.
Mae'r prosiectau peilot yn cynnwys a) defnyddio sglodion
pren yn lle gwellt fel gwely i anifeiliaid ac ymchwilio i wahanol ddefnyddiau
ar gyfer y gwastraff sy'n deillio o hynny. Bydd y prosiect yn edrych ar
ddefnyddio'r cynnyrch dan do mewn siediau yn ogystal â mewn corlanau awyr
agored. Ar hyn o bryd rydym wrthi'n sefydlu treialon yn Llysfasi ac rydym yn
chwilio am ffermydd eraill i gymryd rhan yn y treialon; b) Rheoli rhedyn a'i
gompostio; c) Prosiectau compostio. Hefyd mae potensial i greu atyniadau
ymwelwyr o'r mentrau newydd hyn.
Coetir Clwyd
Nod Coetir Clwyd yw annog mentrau presennol a newydd i wneud
y defnydd gorau o adnoddau coetir, gan ymelwa ar yr adnoddau mewn modd
sympathetig er budd economaidd. Ar hyn o bryd rydym wrthi'n cynhyrchu
cyfeirlyfr o'r holl fusnesau yn y diwydiant coed a phren, fydd yn cael ei
ddefnyddio fel llyfryn gwybodaeth gan ddefnyddwyr, a bydd yn cael ei ddosbarthu
at ddibenion addysgol hefyd. Mae prosiectau eraill yn cynnwys ailgyflwyno hen
fathau o goed ffrwythau ac ailsefydlu perllanau. Gall Coetir Clwyd gynorthwyo
gyda marchnata cynhyrchion coetir neu bren newydd. |
