Prosiect Bwyd-Amaeth a Choedwigaeth Arloesol Sir Ddinbych
November 17, 2009
Prosiect Ardal: Bwyd-amaeth a Choedwigaeth
Sir: Sir Ddinbych
Swyddog y Prosiect: Robert Price
Echel: 4
Beth ydy’r prosiect?
Gall Prosiect Bwyd-Amaeth a Choedwigaeth Sir Ddinbych roi cymorth a chefnogaeth ariannol i grwpiau yn Sir Ddinbych wledig. Bydd y prosiect yn treialu dulliau newydd o gydweithredu er mwyn datblygu cynnyrch, prosesau a thechnolegau newydd yn y sectorau bwyd-amaeth a choedwigaeth.
Nod y cynllun fydd datblygu ac annog;
- Datblygu Cynnyrch
- Datblygu Prosesau Newydd
- Cadwyn Gyflenwi a Marchnata
- Llwyfannu a Digwyddiadau
Bydd Cadwyn Clwyd yn gweithio gyda grwpiau i ddatblygu a gweithredu’r mentrau.
Datblygu Cynnyrch – gweithio gyda busnesau fferm a grwpiau i dreialu tyfu ffrwythau, llysiau a pherlysiau sydd ddim yn draddodiadol yn cael eu tyfu yn yr ardal. Ni roddir arian tuag at brynu hadau a phlanhigion ond yn hytrach ar gyfer hyfforddiant a chyngor.
Datblygu Prosesau Newydd – cyngor ymgynghorol ar gyfer datblygu cynnyrch neu brosesau newydd yn y sectorau bwyd-amaeth a choedwigaeth. Mae’n bosibl y bydd arian ar gael ar gyfer:
- astudiaethau dichonolrwydd
- marchnata
- cyngor cynllunio busnes
Cadwyn Gyflenwi a Marchnata – sicrhau integreiddiad agosach rhwng cynhyrchwyr sylfaenol a defnyddwyr. Marchnata mentrau i hybu cynnyrch lleol. Mentrau marchnata ar y cyd.
Llwyfannu/Digwyddiadau – treialu dulliau newydd o dynnu sylw ymwelwyr at gynnyrch bwyd e.e. digwyddiadau bwyd a chodi ymwybyddiaeth o fewn y sector lletygarwch. Yn yr elfen llwyfannu edrychir yn fwy manwl ar y cysylltiad rhwng bwyd a thwristiaeth.
Arian/cefnogaeth i drefnu a chynnal digwyddiadau bwyd ar raddfa fechan.
Costau llogi lleoliad, offer, cyhoeddusrwydd a marchnata.
I gael gwybod mwy
Os hoffech chi gael rhagor o wybodaeth am y Prosiect Bwyd-Amaeth a Choedwigaeth Arloesol yn Sir Ddinbych neu Sir y Fflint neu os hoffech chi drafod syniad ar gyfer prosiect, cysylltwch â Robert Price drwy ffonio 01824705802 neu anfonwch e-bost at Lowri.williams@cadwynclwyd.co.uk