AHNE Bryniau Clwyd
December 09, 2009
Prosiect Ardal: Twristiaeth Wledig
Sir: Sir Ddinbych
Swyddog y Prosiect: Carina Edwards
Echel: 3
Beth ydy’r Prosiect?
Bydd y prosiect yn annog datblygiad twristiaeth gynaliadwy yn AHNE Bryniau Clwyd (Sir Ddinbych Wledig) trwy roi Strategaeth Twristiaeth Gynaliadwy a Chynllun Gweithredu Pum Mlynedd AHNE Bryniau Clwyd ar waith.
Mae twristiaeth yn weithgaredd allweddol ym Mryniau Clwyd ac yn ffynhonnell o ffyniant sy’n dibynnu ar gynnal rhinweddau arbennig yr ardal ac sydd felly’n cefnogi ac yn cyfiawnhau eu cadwraeth.
Bydd y prosiect yn mynd i’r afael â’r amcanion canlynol:
- Codi ymwybyddiaeth o ardal Bryniau Clwyd a’r cyfan sydd ganddi i’w chynnig i ymwelwyr, gan annog pobl i archwilio’r ardal ac aros yn hirach.
- Datblygu a gwella profiad yr ymwelydd yn seiliedig ar ddifyrion awyr agored a gwerthfawrogiad o etifeddiaeth naturiol a diwylliannol yr ardal.
- Annog a chefnogi busnesau cysylltiedig â thwristiaeth wrth iddynt fynd ati i ddatblygu a gwella cyfleusterau a gwasanaethau, rheolaeth amgylcheddol a’u perthynas â’r AHNE.
- Gwella rheolaeth llif ymwelwyr i mewn i ac ym Mryniau Clwyd, gan gynnwys yr effaith ar yr amgylchedd a’r cymunedau yn yr AHNE a’r ardaloedd cyfagos.
- Gwella dealltwriaeth o’r ymwelwyr sy’n dod i’r AHNE ac effaith twristiaeth ar yr ardal.
Hanes/Enghreifftiau o Brosiectau
Hyd yma noddwyd amrywiaeth eang o brosiectau gan gynnwys gwefan bentref ar gyfer Llanarmon-yn-Ial, cynyddu cludiant cyhoeddus i’r ardal yn ystod cyfnodau ymwelwyr brig, gwella llwybrau a llawer mwy.
Mae Park Gwledig Loggerheads yng nghalon yr AHNE ac yn atyniad ymwelwyr hynod o boblogaidd. Mae Cadwyn Clwyd wedi cyfrannu nawdd ariannol tuag ag gynllun rheoli ac ymchwil i sut i leddfu gorlawnder.
I gael gwybod mwy
Os oes gennych chi syniad ar gyfer prosiect a allai fod yn gymwys i gael arian fel rhan o ddatblygiad AHNE Bryniau Clwyd fel cyrchfan dwristiaeth gynaliadwy, cysylltwch â Carina Edwards: carina.edwards@cadwynclwyd.co.uk