Gweithredu dros Gymunedau Gwledig

Rhaglen a gyllidir gan Lywodraeth Cynulliad Cymru yw Gweithredu dros Gymunedau Gwledig.  Cafodd ei lansio ar Dachwedd 26ain 2002, ac mae'n gweithredu ledled Cymru Wledig drwyddi draw, gan ofalu am y naw awdurdod lleol mwyaf gwledig yn y bôn (cam 1) ynghyd â wardiau gwledig Sir y Fflint, Wrecsam a Bro Morgannwg.

Datblygwyd y rhaglen i fynd i'r afael ag un o brif flaenoriaethau Llywodraeth Cynulliad Cymru, sef:

"Datblygu cymunedau y mae pobl yn dymuno byw a gweithio ynddynt ac ymweld â hwy.  Mannau hefyd sy'n cynnig cyfle buddion economaidd, amgylchedd dymunol a diogel a rhwydweithiau cymdeithasol a chymunedol gweithredol".

Mae dwy elfen i'r rhaglen a luniwyd yn wreiddiol:

• Elfen 1, sef cynllun grant i gefnogi Partneriaethau GGG strategol mewn ardaloedd, ledled Cymru wledig, er mwyn mynd i'r afael ag anghenion meithrin galluedd cymunedau a grymuso cymunedau lleol.
• Cynllun grant yw Elfen 2 er mwyn cefnogi prosiectau unigol a gyflwynir gan Bartneriaethau Gweithredu dros Gymunedau Gwledig - oherwydd y pwysau ar adnoddau, ni chafwyd cyllid ar gyfer yr elfen hon hyd yma.

Prif grwpiau targed y rhaglen yw:

• Micro-fusnesau a busnesau bach
• Twristiaeth
• Datblygu busnesau ffermio
• Mynediad at wasanaethau
• Mynediad at ffynonellau cyllid
• Pobl heb ddigon o waith
• Cymunedau Cymraeg eu hiaith
• Merched
• Pobl ifanc
• Yr henoed
• Amgylchedd cefn gwlad

Cyllid

Llywodraeth Cynulliad Cymru sydd wedi darparu pob ceiniog o'r cyllid; cafodd £1.8 miliwn y flwyddyn ei ddyrannu i'r rhaglen ar gyfer y flwyddyn ariannol o 2003/04 hyd at 2005/06.  Cytunwyd y bydd yr un maint o gyllid yn cael ei ddarparu yn 2006/07.  Caiff y cyllid am y blynyddoedd i ddod ei ystyried yn ystod Adolygiad Gwario'r flwyddyn hon. 

Manteision Proses Cais GGG:

• Syml
• Sydyn
• Hyblyg
• Cefnogol
• Gofalu am Gefn Gwlad Sir Ddinbych